सोनेरी पहाट…

हरवलेल्या माझा मी ठाव कसा सांगू?

रुसलेल्या अंतर्मनाचा मी भाव कसा सांगू?

हरलोय अनेक डाव एक डाव कसा सांगू?

किती खोल रुतलाय हा घाव कसा सांगू?

# # #

सांगायचा म्हटला तरी कोणाला सांगता येत नाही,

कितीही वाटलं तरी भावनेला टांगता येत नाही,

मन मारून मला असा नांदता येत नाही,

पण नशिबाची लक्ष्मणरेषा सुद्धा लांघता येत नाही

# # #

कधीतरी नशिबाची पुण्याई पावून येईल,

दु:खामागे सुखाची लाट धावून येईल,

मनाच्या या गगनामध्ये आनंद मावून येईल,

आयुष्याची सकाळ सोनकिरणं लावून येईल

—-

— @pbkulkarni